Sunday, June 15, 2014

പൊയ്പ്പോയ പാതി

ടീവിക്ക് മുന്നില്‍
ആനസോഫയില്‍
പാതിയഴിഞ്ഞ ടൈ
പാതിയൂരിയ കോട്ട്
ഷൂസ് ഒന്ന് കാര്‍പെറ്റില്‍
പാതിയെരിഞ്ഞ സിഗരറ്റ്
പാതി കുടിച്ച കോക്ക്
നാക്കുരുട്ടി പാതി മറച്ച ഭാഷ
പാതി വരണ്ട തൊലി
പാതി ചുരുണ്ട മുടി
സമൃദ്ധിയുടെ രക്തക്കൂറില്‍
പാതി വെളുത്ത..............

മൂന്നു പതിറ്റാണ്ട് അമേരിക്കന്‍ വെള്ളത്തില്‍
മുങ്ങിക്കുളിച്ച മാത്തുക്കുട്ടിയുടെ
മാഞ്ഞുപോയ പാതിയെച്ചൊല്ലി
വേവലാതിയോടെ
വിസിറ്റിംഗ് വിസ നീട്ടല്ലേന്നു
വാശി പിടിക്കുന്നു
വല്യപ്പച്ചന്‍.
-----------

No comments:

Post a Comment