**മിത്തി

എന്‍റെ പേര് മിത്തി.
ചന്തമുള്ള പെണ്ണിന്
ചന്തമുള്ള പേരെന്ന്
ഗ്രാമം.

രണ്ടായി പിന്നിയ ചുരുള്‍മുടിയും
മാറത്ത് അടുക്കിയ ഭാണ്ഡവുമായി
മാമന്‍റെ തഴമ്പിച്ച കൈ പിടിച്ച്.............
അയാള്‍ നഗരമായിരുന്നു.
നഗരച്ചാളയില്‍
തഴമ്പിനടിയില്‍ അമര്‍ന്ന്
എന്‍റെ നിലവിളി
ആരും കേട്ടില്ല.
കേട്ടാലും കേട്ടില്ല.

എന്‍റെ എയിഡ്സിന്
മരുന്നില്ലെന്ന്
മുന്‍സിപ്പല്‍ വിദഗ്ധര്‍
വിധിച്ചപ്പോള്‍
ഞാന്‍ ആകെ കറുത്ത് വികൃതയായി
ജലജീവികളുടെ മുട്ട കറുത്ത് വിരിയാതായി.

ഏന്തി ഇഴഞ്ഞെത്തിയ എന്നെ
മോളെയെന്നു കെട്ടിപ്പിടിക്കുന്നു
അറബിക്കടല്‍.
മിത്തിക്ക് വല്ലാത്ത നാറ്റമെന്നു
നഗരം!
---------------
**മുംബയില്‍ , പരിസരദൂഷണംകൊണ്ട് 

കറുത്ത് നാറുന്ന നദി