ടെക്സാസില്‍ പറിച്ചുനട്ട
എലുമ്പു മാവിന്‍ തൈ
ഒക്കെ ഓര്‍ത്ത്ഓര്‍ത്ത്
ഒത്തിരി ദിവസം കുനിഞ്ഞുനിന്നു.
മജ്ജ പൊള്ളുന്ന മഞ്ഞത്ത്
കൂനിക്കൂടി ഇരിക്കുമ്പോള്‍
കുന്നേലെ ചുവന്ന സൂര്യനേയും
ചെരിഞ്ഞ മഴയേയും ഓര്‍ത്ത്
പിന്നേയുംകുനിഞ്ഞു.
മഞ്ഞു പോയി
വസന്തസൂര്യന്‍ തൊട്ടു തലോടിയപ്പോള്‍
മെല്ലെ കണ്ണുകളുയര്‍ത്തി.
കോള ഒരിത്തിരി മൊത്തി.
വെണ്ണയും ചീസും ചേര്‍ത്ത്
ചിക്കന്‍ സൂപ്പും ഒരിത്തിരി.............
പിന്നെ ടപ്പേന്ന് തഴച്ചു തളിര്‍ത്ത്‌
ഒത്ത ചക്കരച്ചിയായി!
ചില്ലകള്‍ പൂത്തുലഞ്ഞു.
കനികള്‍ തിങ്ങിത്തുടുത്തു.
2
വെക്കേഷന്
കുഞ്ഞച്ചന്‍ കൊണ്ടുവന്ന
മാമ്പഴം തൊട്ടുതടവി
കുന്നേലെ വല്യമ്മാമ്മ ശങ്കിച്ചു:-
ഇതിനെന്തൊരു മുഴുപ്പും മണോമാടാ!
നമ്മടെ ചക്കരച്ചി തന്നാന്നോടാ?
നമ്മടേന്‍റെ മതിരമൊണ്ടോടാ?
----------------
എലുമ്പു മാവിന്‍ തൈ
ഒക്കെ ഓര്‍ത്ത്ഓര്‍ത്ത്
ഒത്തിരി ദിവസം കുനിഞ്ഞുനിന്നു.
മജ്ജ പൊള്ളുന്ന മഞ്ഞത്ത്
കൂനിക്കൂടി ഇരിക്കുമ്പോള്‍
കുന്നേലെ ചുവന്ന സൂര്യനേയും
ചെരിഞ്ഞ മഴയേയും ഓര്‍ത്ത്
പിന്നേയുംകുനിഞ്ഞു.
മഞ്ഞു പോയി
വസന്തസൂര്യന്‍ തൊട്ടു തലോടിയപ്പോള്‍
മെല്ലെ കണ്ണുകളുയര്‍ത്തി.
കോള ഒരിത്തിരി മൊത്തി.
വെണ്ണയും ചീസും ചേര്‍ത്ത്
ചിക്കന്‍ സൂപ്പും ഒരിത്തിരി.............
പിന്നെ ടപ്പേന്ന് തഴച്ചു തളിര്‍ത്ത്‌
ഒത്ത ചക്കരച്ചിയായി!
ചില്ലകള്‍ പൂത്തുലഞ്ഞു.
കനികള്‍ തിങ്ങിത്തുടുത്തു.
2
വെക്കേഷന്
കുഞ്ഞച്ചന്‍ കൊണ്ടുവന്ന
മാമ്പഴം തൊട്ടുതടവി
കുന്നേലെ വല്യമ്മാമ്മ ശങ്കിച്ചു:-
ഇതിനെന്തൊരു മുഴുപ്പും മണോമാടാ!
നമ്മടെ ചക്കരച്ചി തന്നാന്നോടാ?
നമ്മടേന്‍റെ മതിരമൊണ്ടോടാ?
----------------
Posts
No comments:
Post a Comment