വെളുത്ത കറമ്പി

1ടൈം സ്കൊയര്‍ ചുറ്റിക്കാണും വേളയില്‍
ഒന്നു ചൊറിഞ്ഞവള്‍ ചൊല്ലി.
" നോക്കാക്കറമ്പിയെ !"

തെരുവു നിറഞ്ഞു തുളുമ്പി വരുന്നു
കറുപ്പില്‍ കെട്ടിയ തെയ്യം പോലൊരു രൂപം.
ഉച്ചിയില്‍ ഒരുപിടി
കെട്ടി ഉലര്‍ത്തിയ മുടിയും
ചുണ്ടു ചുവപ്പിച്ച്
ഒത്തിരി വാരിപ്പൂശിയ മുഖവും
മൂക്കിനു മുന്നില്‍ മുന്തിയ മുലകളും
ആഞ്ഞാല്‍ പൊട്ടും പാന്റിന്‍ തുണ്ടും.
ഉന്തിത്തള്ളി  വരുന്നു.
ഒരു കയ്യില്‍
പെരിയൊരു പെപ്സിക്കുപ്പിയും
ഒന്നില്‍ വലിയൊരു
ബര്‍ഗര്‍ത്തുണ്ടും.

"അമ്മേ ഇതെന്തൊരു ജന്മം!"

ഇതുതാന്‍ പൊന്നേ
നമ്മള്‍
കടലിന്നിക്കരെ
കണ്ടു ഭ്രമിച്ച്ചൊരു പച്ച നിറം.

ഇനി ഞാന്‍ പറയാം
കാണാന്‍ പോന്നൊരു പൂരം.
നാളെ ജനിച്ചു വളര്‍ന്നു തഴയ്ക്കും
നമുക്ക് വെളുത്തൊരു രൂപം.
വെളുത്ത കറമ്പി!
------------------

1 ന്യൂയോര്‍ക്ക് നഗരത്തില്‍ ഒരു പ്രധാന സന്ദര്‍ശക സ്ഥലം.